Athens of The North 
or
Auld Reekie
Tak Yer pick
It's Edinburgh
 
the City of Festivals 
 
Aye Embra, this is where ah came in, tae the wurld ah mean, Elsie  Inglis Hoaspital 
oan the first Saiturday in September 1950, Hauf a  bliddy century ago, whaur 
hus it aw gaun.  Ah'll tell ye sumpin though ye dinnae ken whit ye've goat til ye've  no goat 
it ony mair. See ah wurked in London fir six hellish months  in 78', spent a wee fortune 
cumin back nearly every weekend cos a couldnae staun thon place or the fowk, an that's why 
ah dinnaewatch eastenders.  Here's sum stuff aboot the
The Festival City it's certainly no Auld Reekie ony mair is it?  Ah'm 
sumpin o' a jack o' a' tradesan maister o' nane an hiv hud several  joabs in higher 
ed you cay shun. Ah stairted wurk in 1967 at theEdinburgh  School o' Agriculture, an then 
moved sharpish like tae Edinburgh University  An while ah wis there they let
 me oot tae study at Napier College as it wis then,  bit it hud aspirations even then tae becomin 
a Universitae, It's finally made it tae the upper ecy lons o' higher ed you cay shun 
so ah giv yees Napier University  Aifter a a couple o departments there, Embra 
a mean, a goat fed up an did som disc jockeyin wi Revolva Discotheques, mair oboot that anither 
time. Ah guised aboot a bit daen this, that an  the ither fir a while then 
went tae wurk fir Heriot Watt University  Bit that's nearly enuch aboot me save tae 
say ah also took a couse at Telford College.  Noo apairt frae the fact that Embra 
is built oan seven hills, which affords breathtakin views aw  roon, there's aways sumpin 
tae look at, or sumpin tae dae, or somwhaur tae gang, or ye kin jist  get mightly pissed 
(that means drunk oot yer heid, fir the benefit o' ony Yanks) There are sum guid Embra 
fowk oan alt.uk.edinburgh.misc  newsgroup wha ah'll be sayin sumpin aboot shortly. The oanly 
trouble is that  ye'll huv tae subscribe tae the group yersel, through yer I.S.P., if   they cairy it,
 an if no why no? Unless ye're a user oan the York University  Campus network.  
Ye micht fancy a wee peek aroon the toon weel noo ye can via the wide  an wonderful 
world o' the Edinburgh webcam  Oor toon keeps itsel up wi the times an a' ye ken. There 
are at least two web cafes ah ken o'  wan is in Bread Street at the top oLothian Road an it's 
ca'd Web 13  The ither is oan Hanover Street at the boattom o the Mound an is   This used tae
 huv it's ain webcam, bit aw a hiv been gettin recently is a pictur o' a   cup o' cappachino 
wi nae further instuctions as tae hoo tae get in.  Noo aboot this newsgroup ah wis oan aboot earlier, 
there are a few o'  us whit are regulars an ithers jist drop in frae time tae time tae see   
whits gaun oan.  Dave Henniker is wan  worth mentionin cos he taks photies, my o' 
my does he tak photies, maist  o' them are oor fair city an it's surrounds past an present, 
sometimes  he manages tae squeezehisel roon in front o' the lens, an when that  happens yer 
in fir a richt fricht.  Rod Beavers is anither regular contributeralang wi Joe Curry, wha ah
 suspect  also uses the nom de plume o Fox1, anyways he's pit up a website aboot 
Edinburgh Airport. 
 Adrian Marsh Tupper, there's a haunle tae cojur wi eh no, he's jist telt me ah'm bletherin 
cos he hus nuthin  tae dae wi thon august institute affectionately kent as the "Hairytwat" an infact 
wurks fir the H.S.B.C.   He does hae his ain an wee Willie Forsyth,   he's best ignored cos aw he kens 
aboot is German unit's o' the second wurld war.  Sometimes we huv a wee stooshie but generally we'll 
gie ye ony help ye huv a mind tae ask fir.