Ach ah suppose it's better tae get this awfy legal stuff oot o' the
wey afore a gang oan.

Noo see yous, if ye see onything oan ma wee website whit offends ye,
jist bear in mind tha ah didn'ae intend it tae, cos wan mans meat is 
aye anither mans poison.

Forbye, whit ah pit up here oan ma site, ah pit up cos it's whit ah 
believe tae be true eether cos ah ken first haun, or cos ah hiv seen 
enuch proof tae satisfy me, that it is so.

If ah dinnae present sumpin as fact, then it is mah opinion, tae 
which, in a supposedly free demoacracy, ah'm entitled tae.

Whit's mair if ye think that sumpin ah hiv said is so, an any o' yous
think ye ken it isnae so, then if yous kin prove tae me that it isnae
so, ah will change whitever it wis whit ah thoucht wis so bit wisnae. 
Kin ah say fairer than tha?

An Lastly ah am currently reconstructin' the entire shebang so until
ah remove this wee paragraph some o the stuff micht no work. 
Ye're jist gonna hiv tae bear with me. Is tha awricht?


If ye huv ony valid criticisms dead links or complaints
report them here

Weel ah ken we Scots in wir hameland hiv goat wirsels a measure o 
independence an mickle guid it dis me, bidin as ah dae in foreign 
parts, onywey noo that it's happened ah'm keepin ma fingers crossed 
that the new Scottish Parliament wi the aid o the Scottish Executive 
will hae the guid sense tae jump the gun an get a march oan the 
rest o the country an introduce stuff like a  Freedom o Information Act 
an a Bill o Rights.Ah suppose it's ower much tae expect a 
Scottish Constitution, onywey if ye want tae ken why ah'm goin oan aboot this 
stuff then tak a wee peek at Charter88 There's a wee bit mair aboot 
some ither stuff ah'll be rantin aboot later, bit ye should get 
the gist o it a', an if ye dinnae agree then maybe ye 
like elected dictatorship, ye wee nutter ye! 

Ah am gonna, pit some o ma genaelogy stuff up oan ma Faimily pagelike ma 
faimily tree, by the looks o it, wees his aw fell oot it, an it's now grown 
tae some size, ah think there's maybe sumpin like 579 individuals ower 
9 generations. Some goin eh! Ah hiv tae thank folk like ma wee 
brither Alan Neal Sutherland fir gettin me goin oan this, an a certain 
Dr.Alan Beattie wha gied me a lot o info aboot The Arthurs o Shetland. 
Ah winnae blether ony mair aboot it, bit ah must mind an put up a few 
links oan that page.

If, yous like fillin yer face, as much as ah dae then ye'll no gang 
far wrang wi ma wee bit Gourmet page, it's only goat eight recipes 
 oan it the noo, bit ah will soon be stickin anither 7 oan sokeep hivin
 a gander at it ye never ken whit'll appear next

Pirate is gonnae be a wee stoater o a page. It's no aboot smuglers and dark 
deeds, n' tha, naw, it's aboot offshore broadcastin' frae 1964 tae 1967 
when us rebels toucht thon auntie B.B.C. how tae dae it. Ye'll like it 
'specially if ye're wan o' thae anoraks, which ah'm no, so dinnae start!

Noo this is where ah'm gonna tell thae eejits in power whit needs taebe dun. 
Tak a look at ma Politics page an see if ye dinnae agree wi me it's still bein 
thoucht oot so dinnae expect too much yet cos ah'm still knockin ma soap box 
thigither. An it's meant tae be thoughtprovokin so when a stairt tae blether 
oan dinnae be feart tae heckle richt back ah will add yer valid an decent 
criticisms tae the page.

Ah like music, ah like it a lot. Cums fae bein a D.J fir maist o' the past 40 
years an it aw stairted wi thae pirates, in particular Radio Scotland, ah 
takked aboot earlier so here's twa pages o Pop music an Classical music.
Ah cannae dae it masel bit ah can play it.

If ah hud mair time I micht have spent it learnin' mair aboot Astronomy an 
Space flight. Bit while some folks, whit reckon thae ken me, micht 
say ma heid's ay in the cloods ah hiv hud tae dae ither things tae mak a livin,
like Electronics

I dinnae read a lot, bit ah will hiv a wee gander at Science Fiction Frae time 
tae time. It maks ye think eh! ah also watch as much o' Star Trek. as ah can.

Nostalgia is sumpin ye want mair o' as ye stairt gettin oan a bit, an afore ye 
stairt ah'm no a B.O.F., ah'll only worry when ah cannae remember whit 
it is ah wanted tae be nostalgic aboot. Bit fir noo ahhiv goat a page oan
 Steam Railways afore ah forget they ever existed. Aye an ah also thoucht ah micht 
as weel add sumpin aboot atmospheric flight in here an aw, that's airyplanes 
tae yoos yins.

As ah live and Work in York it's only fair tae include some stuff 
aboot this historical walled city, where, ah hiv heard, there is
still an ancient bylaw whit allows locals tae shoot ony Scotsmen they 
find inside thae city walls after dusk, bit only wi a bow an arra. 
Ah'll tell ye sumpin though, nice as York is, it's awfy borin wance 
ye've seen aw the heritage an arcytectur stuff. Naw it's no a patch 
oan Auld Reekie, So whack yer mince pies oan this an see whit livin 
is aw aboot. Edinburgh bein, as it is the Capital o' Scotland. an will
remain so in perpituity, regardless o' whit sum Weegie folk micht try.

Ah'm gonna bore the pant's aff ye noo wi some crack aboot ma wee bit 
Gairden tak a peek noo an then, ahm goan tae mak it interactive soon. 
When ah figure oot how "Groon Force" winnae get a look in.

There's sumpin here for the Bairns an aboot oor Bairns

If ah feel like it ah might shoot ma gob aff aboot Religion. Then again ah 
micht no bother. 

At long last ah hiv sum poems whit ah wrote, an whit some wimmin wrote 
tae me or aboot me. Sum is funny, sum is sad, sum is romantic, an sum 
is crap. See whit ye think when ah pit them up in ma Poetry section.

 Ah'll be writin sum new pages oan Radio an the good ship Dunera.an ye should 
ken that ther'll be a coantents page an an Alphabetical Index an if ah kin 
be bothered ah'll tell ye sumpin aboot whit ah think an ken aboot the new 
Scottish Parliament. Oh Aye an a we bit o stuff aboot Transactional Analysis
It kin kin help a loat if yer feelin doon or confused aboot yersel, ah kin vouch 
fir tha. An if ye are havin proablems wi life or yersel then sumpin else whit 
kin dae the business is humour.


Tae conclude ah'll put up a page o Acknowledgements, well it's the proaper thing tae dae.